ma.Crozalle Reyes Raymundo
a.k.a. Wee-ween reyes,11/17/2011
Aanhin ang prinsipyo
warat na katawan mo
sobra na nagawa mo
Mag-isip kang mabuti
umiwas sa marami
madali lang magsabi
Bakit mo iisipin
ang usap ay limiin
kung ito'y may buti rin
Hindi ka ba napagod
sa maraming pagsunod
ikaw ang matalisod?
Tao'y di makuntento
isip pabagu-bago
sa bawat argumento
Noon ikaw ay "hero"
sabi ni "Juan" sa 'yo
ngayon naman ay ano
Ganyan naman ang tao
gamit ang tingin sa 'yo
itapon pag 'di gusto
Paulit-ulit ang hiling
walang tapos ang daing
ng mga taong haling
Kahit nga walang alam
parang marunong naman
kung ika'y pag-usapan
Akala'y may talino
komuntra'y beterano
sa larangang ganito
Matalino sa boksing
magsalita'y may galing
para lang sinungaling
Marinig lang ang iba
akala ay tama na
basta lang makakontra
Kung ako ikaw Pacman
ay iyong pag-isipan
kung lalaban na naman
Anhin ang kasikatan
di mo yan kailangan
sobra na ang 'yong tangan
Bakit naman susundin
lahat ng nanaisin
ang hiling wag pansinin
Sa susunod na laban
pag di nakontento yan
uulit ka na naman
Dati ay napatumba
humingi ng isa pa
ang mukha ay sira na
Paulit ulit na lang
ang kalabang magulang
ay hindi ka lalamang
Tao'y may kasamaan
sa mali ka idaan
para ka malagpasan
Gagawin ang paggulang
kahit apak apak lang
basta manalo lamang
Napakaraming laban
naging patas ka Pacman
wala kang nilamangan
Kaya mahal ka ng D'yos
ang buhay ay inayos
nanggaling sa hikahos
Magpakabuti na lang
iwasan ang nilalang
sa buhay mo ay harang
Ang D'yos ay kakampi mo
ang taong may prinsipyo
tunay na makatao
Sana ay matapos na
usapan ay isara
si Pacman nanalo na
Mabuhay Manny Pacquiao
sa laban di umayaw
ang usaping malinaw
No comments:
Post a Comment