ANG WAFU AT ANG WAFA BOW

ANG WAFU AT ANG WAFA BOW
Ma. Crozalle Reyes raymundo
a.k.a, Wee-ween Reyes, 12/20/2011

ANG WAFU:

Sino ba ereng wafu
Mukha yang lokoloko
Kung pumorma ay todo
Para bagang Ginoo

Kung sya ay makangiti
Talo pa raw ang pari
Mabait daw kunyari
Ang wafa'y mapangiti

Para siyang may biloy
Sa mukha'y nanguluntoy
At nagkaluoy luoy
parang lumang belekoy

Tingnan natin ang buhok
Mahaba hanggang batok
Ang pisnging namumutok
Kay Adonis nililok

Tingnan kung makatingin
Aba'y may anghang pa rin
Pantay ang mga ngipin
Mukhang nadaan ang tren

Ang kanyang mga kilay
Tila nga isang tulay
Tinumpok na kalamay
Mukha namang kakulay

Ngunit kung s'ya'y gumiling
Talo pang isang haling
Lahat napapailing
Sa angkin niyang galing

Siya kaya ay bagay
Sa 'sang dalagang tunay
Atin kayang ialay
Tingnan kung s'ya'y bibigay

ANG WAFA:

Sino ba ereng wafa
Lagi pang nakatawa
at ibig mag-asawa
Sa Wafu'y matunaw s'ya

Kung s'yay makangiti
Ang wafu'y mapaihi
Kahit tulad ng pari
Bait n'ya'y pakunyari

Biloy sa kanyang pisngi
Kapagka nakangiti
Dudurogin ang lahi
Nitong wafung mapili

Ang kanyang buhok naman
Ang ikli'y kainaman
Parang lalaking tingnan
Amasona ng bayan

Pag wafu'y nakatingin
Naku t'yak kikiligin
Palihis kung tumingin
Nahiyang parang birhen

Ang kanyang mga kilay
Ay bulating humimlay
Sapagkat 'yan ay tunay
Di nalagyan ng kulay

Ngunit kung gumiling
mukha pang may tililing
At s'ya'y iiling iling
Akala mo'y magaling

KUng wafu ay lalapit
Sa iyo'y magkandirit
Mukhang ika'y iinit
At aaabot sa langit

Iyan ang wafu't wafa
Sila'y inyong kilala
Kung di'y iyong problema
ako ay tatago na!!!!

Kilala n'yo nga bahhhh.....