BAKIT NGA BA PAG-IBIG?

BAKIT NGA BA PAG-IBIG?
a.k.a. Wee-ween Reyes
(TANAGA- aaaa)

Bakit may paghihintay
Sa pag-ibig na alay
Agam-agam ang taglay
Puso ay humahapay

Sana iyang pag-ibig
Pagmamahal ang dilig
At mabigyan ng kilig
Ang iyong iniibig

Ang buhay ay madilim
Pag-ibig ay may lihim
Ang sugat ay kaylalim
At laging naninimdim

Ngunit kung ang pag-ibig
ay may magandang tinig
Sasaya ang daigdig
Ang puso'y di matulig

Sana tao'y magbago
Ang isip wag magulo
Pag-ibig lagi'y solo
Ibigay sa mahal mo

Ba't ganito ang mundo
Tao'y di makuntento
Kung lahat nasa tono
Tahimik sigurado

Bakit ba kailangan
Puso'y mag-alinlangan
Maghintay kung kailan
Datnan man at panawan

Pag-ibig ba'y masukat?
Ang panahon ba'y sapat?
Maghintay kahit salat
Kung sinta'y nararapat

Bakit nga maghihintay?
Sa irog na nawalay
May buti bang ialay?
Baka puso'y magutay

Sana lahat ng puso
Ay hindi likoliko
Sana lahat ng puso
Totoo ang pagsuyo
--------------------------------------
Israel Cinco, FB friend
Hindi na susukat ang pag-ibig sa mga
panahong naghintay ka. Eto ay kung
paano mo na iintindihan ang sitwasyon
kung bakit ka nag-aantay.