KAWAWA KA BAYAN!

KAWAWA KA BAYAN!

Patuloy ang pagluha
umabot na sa lupa
parang ulang bumaha
rumagasa pang bigla

ako'y naghihinagpis
ngipin ay tumatagis
puso ko'y bumibilis
tumakbong papaalis

pagkat di mapakali
pag-alala'y sumidhi
at sa ilang sandali
bayan ay mapalungi

kung matapos tapyasin
iyang sangang napansin
puno ay uusbong rin
kawangis ang kukunin

bakit nagkaganito
baya'y lalong gumulo
ang kaba'y nasa puso
kung saan patutungo

ang dasal ko sa Langit
sana'y di puro ngitngit
ang bayan nasa bingit
ugali'y wag ipilit

paano na aking D'yos
paano huhulagpos
ang baya'y inuunos
nalubog na sa upos