Ma. Crozalle Reyes Raymundo
a.k.a. Wee-ween Reyes, 11/25/2011
(first tula using HAIKU)
Nong ako'y bata
ako'y meron pang muta
gusto'y matanda
Isang mayaman
malayong idad naman
ay nagustuhan
Sa 'ming simbahan
ay doon nagkatahan
may boses naman
S'ya ay kasama
kami ay manganganta
tuwing may simba
Kung kumakanta
ako ang naggitara
ako'y masaya
Kung naimbita
grupo nami'y kakanta
ibang bayan pa
Sa murang idad
hanga sa abilidad
umibig agad
Ako'y nagsabi
noon sa aking ate
damdaming ere
Pag inaya nyan
ako na magtatanan
aking patulan
Ate'y wala lang
ang isip din ay kulang
batang nilalang
Di ko rin alam
kung anong pakiramdam
parang nakulam
At isang araw
tinawag ni "Father" daw
parang matunaw
Sabi ni "Father"
ako ang maging "singer"
ako'y na "bother"
Bago ang kanta
at bukas ikakanta
kaya ko nga ba
Kasal ay sikat
mayaman ang katapat
puso'y naglapat
Para ngang bomba
dito sa aking tenga
ang lalaki'y S'ya?
Akong kakanta
ang ikakasal ay s'ya
ito'y patawa
Araw ng kasal
ako'y dasal ng dasal
tapang umiral
Di makakanta
at baka umiyak pa
di yata kaya
Pa'no kakanta
baka pumiyok pa
abay disgrasya!
Mahirap pala
pari'y kinausap na
at pumayag s'ya
Hindi kakanta
aking hiling sa kanya
sakit ang panga
Kung magkamali
ay masisi ang pari
buhok puputi
Ngayo'y naglakad
sa altar kinaladkad
s'ya na mapalad
Sakit sa puso
para ngang dinuduro
at nagdurugo
At natapos na
kaysakit ng umaga
puso'y hiniwa
Kaylupit naman
ang aking kapalaran
ako'y nasaktan
Anong malay n'ya
may isang batang gaga
umibig pala
At nagdalaga
limot na ang pagsinta
ako'y natawa
Ganun lang pala
lilipas ang nadama
pag-ibig bata
Parang mamatay
noo'y puno ng lumbay
ang aking buhay
Parang bangungot
paggising ay natakot
mata'y kinusot
Pagnatauhan
ay matatawa naman
sa kagagahan
Bata batuta
isang bara ang muta
ay nabutata
hahaha challenging pala ang HAIKU....
No comments:
Post a Comment