Ma.Crozalle Reyes Raymundo
a.k.a. Wee-ween Reyes,10/26/2011
Umaga sa klinika
may dumating pala
babaeng nagwawala
Ang dila nakalabas
at hinahampas-hampas
meron daw ditong ahas
Ahas daw tumutuka
wala namang makita
dila halos mauka
Naubus na ang "tissue"
panay ang pahid nito
bulate naman daw 'to
Ito'y paulit-ulit
nakita'y ipinilit
gusto ko ng magalit
Ang "Boss" ko ay sumenyas
wala naman daw ahas
sa isip ay pangahas
Pagkat s'ya ay napraning
mata ay walang ningning
para nang isang kuting
Sapagkat nakaturok
itong gamot na hayok
nilapa ang dayukdok
Sama pala ng tama
kapag ikaw nakana
sa klinika hihiga
S'ya ay ginamot ni Dok
hindi ako inantok
sa kanya nakatutok
Magdamag na nagbantay
sa babaeng naratay
umaga nagkamalay
Ang epekto ng "shabu"
ay masama sa tao
masira ang'yong ulo
Bago mo ito gawin
isang libong isipin
baka saan ka dalhin
No comments:
Post a Comment