Ma. Crozalle Reyes Raymundo
a.k.a.Wee-ween Reyes, 10/21/2011
Itong aking asawa
sa Gapo ay tumira
kasama ang pamilya
Pagkat ang trabaho
napalipat nga dito
walang mag-asikaso
Nanibago sa bahay
mga anak namahay
hindi nga mapalagay
Madaling araw noon
ikatlo ng marso yon
masama ang panahon
Mga anak tulog na
sa itaas na sila
ako ay nag-iisa
Habang nasa ibaba
ako'y may ginagawa
humangin namang bigla
Ako ay napalingon
sa plorera natuon
may bulaklak nga iyon
Ang tingting na bulaklak
nagwasiwas sa galak
sa sayaw nagpaunlak
Wasiwas ng wasiwas
aya't halos umalpas
sa plorera'y tatakas
Mata ko ay bumilog
parang buwang nahulog
utak ko ay naalog
Di ako nakaimik
lalamuna'y may tinik
ako ay nahindik
Ako ay nagtataka
saan nga ba nagmula
itong hanging gumala
Sarado ang bintana
"electric fan" ay patay na
ay bakit may hangin pa
Balahibo'y tumayo
isip ko merong momo
nangalisag na nga po
At ang ulo'y lumaki
buhok din ay tumindi
singtigas ng alambre
Pagtingin sa salamin
buhok ay ayos pa rin
di nabago sa tingin
Ako'y biglang nagalit
kunyari ay masungit
ang multo ay nilait
"'Wag mo akong takutin
o kaya ay multuhin
'di kita sasantuhin"
Kung ako ay matakot
multo kaya'y malungkot
o ako'ng magkukukot
Dali-daling hinakot
mga gamit binalot
umakyat namaluktot
Tumago pa sa kumot
dasal katakot-takot
mga santo'y kinurot
Kaya't kinabukasan
maagang naghapunan
ang takot linabanan
Mula no'n maaga na
hindi na nagpuyat pa
at duwag naman pala
Ako ay matapang na
at natakot rin pala
ang tanong ikaw kaya?
Ayan na sa likod mo oh.....
may pusa...itim...nyahhhhh...takbo
No comments:
Post a Comment