HARIIN?

Weeween Reyes

10 hrs · 

Hariin?
http://weenweenreyes.blogspot.co

Hariin ka adlaw gi pagto kung hapon
asing nawawagit nailis ay ruyom
asing mga lamok kaling naorasyon
hariiney ka langaw nak maitom-itom?

Ado'y ya naudak ka tubi sa ragat
miski kung kaosa nayamaw sa patag
asing kalibutan kaling ida tawag
nak ingga't amigong pagkahadag-hadag?

Salamat sa adlaw raya'y enerhiya
ato inggagamit sa mga siyensya
ka ato kabuhi rili gi aasa
ka tanan ay dahil sa ida gi buy-a.

Ka ato kuryente, ka krudo nak gamit
kaling ato lana, kaling mga karit
miski mga kotse, kaling ato jeep
tanan ay dahil sa hadag ag init.

Asi rang riiney gi pagto ka buyan
asing kung kaosa'y pay nagyayakaraw
sa ibabaw't langit ay nagpaparadaw
maayo pag suyat, C, D, O ay ayam.

Asing inghuhuyat nak makapauli
iwas nak masapoy kag adlaw nak hari
pag ra nakaliwas ling osa'y nahili
rungan ra sa ida kaling mapipisli.

Nunot ka bituon pati bulalakaw
ragipon ra sinra ag mag sadaw-sadaw
pay ka aninipot pag nayuaw-yuaw
nag-iidlap- idlap ruto sa ibabaw.

Lio pating rampug pay bulak nak sabak
pagkagunda kali sa langit nagkalat
Indi yang mag-uyan mapagto sa ragat
kag tubing yinuha ay asing nag-alat.

Pagkaayo gani ka ato Dios Ama
karamong milagro nak katitingaya
pagtuyog sa gab-i makapahuway ra
pagbati sa aga silak ay naguya.

Kaling kalibutan ramo kang mamasran
kita'y yag tatambling miski nagpapanaw
ling ganing grabidad, kali'y ato ayam
aba'y pagkaboot, kita'y nahawiran.

Kada kita'y pati sa at ingrakuan
ingga't Makaako sa ato'y nagtratar
nak hali'y kalasa kung kita'y mag -istar
indi yang gi limtan kabuhi ay huyam

Kada tan-a kita'y mag-ado nak tawo
ag kag ato yawas alaga't maado
buko kahuhuda kung ato itao
pabalik sa ida pag kita'y nag abo.

PABAYLE SA TANAN

"Pabayle sa Tanan!"
http://weenweenreyes.blogspot.com

Pabayle sa plasa, tugtog si Tang Mingui
soltero'g rayaga ilis rali-rali
naglipstik it puya, kilay ay ging puksi
palda nak miniskirt, sapatos nak puti.

Matulin it tikang karsada'y masapnot
isag kaling takong, ya malay nahuyog
isputing ra tan-a kaling mapanglusob
ugaling ka iba it tyang ra naos-os

Pasakalye payang narindi ka buli
raog pa ka oning indi mapakali
buslo kaling maslok pay ra mapaihi
rugos ka kayaki, kanya-kanyang pili.

Abang lasa gani ka mga sonata
yumang mga kanta ka sadaw ay chacha
todo ra't kuratsa miski ya pareha
na udag-udag pa ag.mag guya-guya.

Aruy bang buduboy pag tugtog ray it sweet
indi mapugungan raguso ka laskit
puno ka sadawan pay ra nasagitsit
hala bira, hala, miski magkaipit.

Tuyar sa ak banwa tong amo panahon
Miski de tsinelas ay apasadawon
ma ukaw ka emcee de hudot nak litson
"Kaling bayleng kali'y sa buhok nak kuyong".

Kuno ling ak hali pay ra mahud-anon
hagto kung kaosa siki'y katoy-katoy
rayahig it karat kaling osang mangor
ugaling sa tunga inabot it killjoy

Kaling nakabayle oya ra namasre
yangong ayayago nak natuturete
sadaw-sadaw sinra libor ka kayaki
galing pag atubang aosa'y ka pobre.

Nahadlok magbayle, tulin it pauli
namadla ka'k hali, oya'g uli-uli
ngasing ka kayaki maarte'y ra gani
isputing it kato, ngasing ay mapisli

"Kag tugtog nak kali ay sa nakaruyaw"
sursor sa kayudo nagbaoy it tuwang
pag sonata't bogi aba ay sagudar
ka bag-ong sapatos nak ida inutang.

Pabayle sa ato kali ay masadya
hanrumanon nato sa palanggang banwa
kaling kabataan, tanang kaguguya
Indi ey maulit mabungi man sinra.

Weeween Reyes 2019
Photo credits to the owner

Ang akon banwang pangdarwa

Ang Akon Banwang Pangdarwa (Despujols)

http://weenweenreyes.blogspot.com

Mga kurukutok, bangag, agagangis
ang amon hampangan sa banwa nga dapit
kag ang tandu-tando ga tudlo, may isip
kung akon dumdumon ako hay gangirit.

Hawot nga pamahaw ternong sampurado
may tanum sa likod, may talong may upo
patani't kamatis, okra kag kutapto
kuli ang tindahan, rayo ang merkado.

Akon nga memorya nga ako'y unga pa
udto sa San Andres, Despujols tong una
kami't akon nanay nag-ayan kay Laba
mabakal it lambong birtdey ko inaga.

Kag sa bahol nga trak kami hay nagsakay
singgit sa taranta ang bata kag mal-am
ang hambal it drayber amon trak nataman 
nagkiling sa bangin, gulong sa unahan.

Tanan ginkulbaan, aruy tana bala!
Ang iba nagtangis, lawhakan gid sanda 
ang isa naghambal him-ong ang sa una
ang bangin nga dalom daw ang nakanganga.

Mayad hay nagbulig sandang mga laki
kag gintulak ang trak ang gulong napirmi
kaya akong nerbyus ngipon hay narindi
ang akon bituka halukay nga ube.

Nag-uli sa balay tapos magpamakal
ganda akon baro, kaya ginternuhan
pula nga sapatos ribon nga pula man
ang birtdey nadayon, may pepsi , may suman.

Udto sa San Andres dumdum pa kag sayud
nagtuna it greyd wan nga uwa natapos
balik sa Odiongan, saylo sa kalisud
kag ugto nagtinir kami nga magmanghod.

Ya nga hambal nanda hay owa nalimtan
akon mga hali ga ayan sa balay
kag kaming pamilya among estoryahan
kung gustong manamit gamit hay inunhan.

Sunod sa Odiongan San Andres pangdarwa
ang akon palangga nga isa pang banwa
aba nga kalangkag sa mga kasadya
may katmon, may lumboy, karabaw nga mangga.

Weeween Reyes 2019
Photo credits to the owner

Ang Akon Banwang Pangdarwa (Despujols)

Mga kurukutok, bangag, agagangis

ang amon hampangan sa banwa nga dapit

kag ang tandu-tando ga tudlo, may isip

kung akon dumdumon ako hay gangirit..

Hawot nga pamahaw ternong sampurado

may tanum sa likod, may talong may upo
patani't kamatis, okra kag kutapto
kuli ang tindahan, rayo ang merkado.

Akon nga memorya nga ako'y unga pa
udto sa San Andres, Despujols tong una
kami't akon nanay nag-ayan kay Laba
mabakal it lambong birtdey ko inaga.

Kag sa bahol nga trak kami hay nagsakay
singgit sa taranta ang bata kag mal-am
ang hambal it drayber amon trak nataman
nagkiling sa bangin, gulong sa unahan.

Tanan ginkulbaan, aruy tana bala!
Ang iba nagtangis, lawhakan gid sanda
ang isa naghambal him-ong ang sa una
ang bangin nga dalom daw ang nakanganga.

Mayad hay nagbulig sandang mga laki
kag gintulak ang trak ang gulong napirmi
kaya akong nerbyus ngipon hay narindi
ang akon bituka halukay nga ube.

Nag-uli sa balay tapos magpamakal
ganda akon baro, kaya ginternuhan
pula nga sapatos ribon nga pula man
ang birtdey nadayon, may pepsi , may suman.

Udto sa San Andres dumdum pa kag sayud
nagtuna it greyd wan nga uwa natapos
balik sa Odiongan, saylo sa kalisud
kag ugto nagtinir kami nga magmanghod.

Ya nga hambal nanda hay owa nalimtan
akon mga hali ga ayan sa balay
kag kaming pamilya among estoryahan
kung gustong manamit gamit hay inunhan.

Sunod sa Odiongan San Andres pangdarwa
ang akon palangga nga isa pang banwa
aba nga kalangkag sa mga kasadya
may katmon, may lumboy, karabaw nga mangga.

Weeween Reyes 2019
Photo credits to the owner

SA AK PINALANGGANG ODIONGAN

Sa Ak pinalanggang Odiongan


Kayangkag rumrumon banwang ing rakuan

yaey bayay riling ako matanraan

rabunong maguyang pa'y matayang-tayang,

mayaag nak gador, kung ya't pangutan-an.


Ak napapahidom kung ako isipon

tong ako'y maisot hudlot pa ka sip-on

pagkasusadya ra ka mga idam-on

bayay-bayay, siklot, tagu-taguan pong.




Tong pusgo pa kita ka yawas makusog

yaguran sa kalye naliwas ka gaos

pag na-estoryahan raog ka rayugrog

pagnahayakhakan perte't uyok-uyok.




Tong maruragko ey nauso ka pingpong

hanggang sa magguyang natun-an ay mahjong

kada tong pingpong ag tagu-taguan pong

naging escalera, close kang, all up ag pong.




Aba'y durong hanra pag adlaw it pista

rugos ka bisita sosyal, manilenya

adobo sa gata, ginat-ang yangka pa

syempre'y naliwas ra ka ba-ong kutsara.




Kung kada lik banwa ay kapupalangga

magraya't bisita'y buko kahuhuda

kada hapon inggat lakong dila-dila

bitsokoy kutsinta, ingga pa't marhuda.




Yakaraw sa baybay pagsubo it adlaw

kasadaw ay adlaw pag napangagaykay

pay ra mapayuksong kagaykay yumuaw

pamupo"t alugbat ag higop it sabaw.




Nayaga't kamote, naihaw it batag

sawsaw sa pakasam pay ka mapaodag

de bundo'g apali, ag tulingang pangat

pay kag kalibutan pirmi ay mahadag.


Kada natingaya kaling mga apas

ka bawat masapoy "mano po" ka buhat

ka ako asawa nalipong it muyat

pay kuno artista bugno ra it puat.


Sa pagpoprogreso'y masadya ka tanan

nagtutubong bilding, jolibee'g kaunan

mga bag-ong bayay ag magandang rayan

kali ay patunay pag-uswag it lugar.


Ngasing pagpauli riling ato banwa

pagkadurong tawo sin-o ara sinra

buko t'yar it kato ka oda'y de guya

ka bawat masapo'y hali ag kilaya.


Galing pangutana riling mga laon

kung at papilion ay mapanagitlon

mantika ag toyo, bukayo ag kan-on

lamayo nak bislar, tambo nak inaslom.



Weeween Reyes 2019


Photo credits to the owner

HAGTO....

HAGTO.....

Hagto........
sa unhan pa't pantalan
ka ak banwang ingrakuan
kag ngayan ay odiongan
tanan kami'y hagto'g anakan

It kato, maisot pa ako........
Kag mga bayay ay apila pa yang
tanan kuno'y mga hali ag angkan
pay kayado kag mga baryo kung masran
tumbalata pa kag amo ing idam an

Tong ako'y nagrayaga..........
kag mga bayay pagragko'y natuman
miski mga tawo'y narugangan
Kayaki, kabadi ag maguyang
pati tomboy, agi ay nagrampahan

Ngasing nak ako'y nagguyang.......
mga baya'y sa banwa'y nasementuhan
pati sa baryo'y nagpabonggahan
Kag kayungot pay ligbos nagyuawan
ka at banwa'y marako kag kauswagan

Umuyan o uminit........
tuloy yang kag ato kasadyahan
mapulitiko't masimbahan
mga kasimanwa'y magpalanggaan
umabot man kita sa kalangitan

terweena 2013 (oct. 8 )

Photo credits to the owner

Romblon, Probinsya't mga Malipayon

ROMBLON, PROBINSYA'T MALIPAYON

(Kilay-on nato ka ato probinsya)

Ma. Crozalle Reyes Raymundo

a.k.a. Wee-ween Reyes, 8/4/2011

Aba, ako ay oya ey't ayam sa ako tinubuan

Kaling Romblon yaki ay pay tawong nag-anam

Ibang isla nak dati'y 'ya nato naistudyuhan

Naomer sa ato mapa pay mga haling nagrugang

"Dos Hermanas" nak isla imaw kina sinra

Carlota ag Isabel magmanghor nak maganda

Parti pa it Banton ato arumrumon ra

Sa ida habig sa irayom ay Bantoncillo nak isla

Pagbalikir ay Sibale ngasing Concepcion kina

Sa isla't Maestro de Ocampo sida ay makikita

Umis-rog sa Corcuera ay kag isla't Simara

Indi kita mayaag basta sunra yang ka mapa

Kag Cobrador ag Alad ag Logbon nak mga isla

Mga baranggay pa it Romblon, ako yang nabasa

Hali kag ato kapitolyo, marbol kag produkto nida

Pay "Ida" ra "obra maestra" kaling ato probinsya

Pagsalta sa Sibuyan tatlong banwa kag raya

Magdiwang ,San Fernando, ag Cajidiocan pa

Abang tayog nak bukir makikita riling isla

Kag "Mt. Guiting-guiting", abot ka rampog nida

Balik anay baga kita sa unahan it mapa

Ni-o kali arang nopay bumaliskar nak baka

Aba ay pagkarakong isla kali it at' probinsya

Tablas kag pangayan ato kilay-on kag mga banwa

Pasyar kita sa Sta. Maria kung tawagon ay Imelda

Sunor ay San Agustin pagliko'y carmen ag Calatrava

Inggwa't osang sapatos hali sa San Andres banda

Nabilin it higante sa kahadlok rumayagan sida

Hali'y kita sa Odiongan, pinakamarakong banwa

Pay Manila it Romblon paradaw sa ak' amiga

Ramong ragkong bayay, kumpleto pa kag ahensya

Ferrol nak ida dating baryo ngasing ay banwa'y ra

Hala deretso kita sa Looc kali kag masadya

Pag nahangit ka bagyo bapor ay natago sa ida

Pag-abot sa Sta Fe sa unahan ay Alcantara

Pag imo marungan ka eroplano, Tugdan sa una-una

Nalibor ey siguro nato kag buong probinsya

Pero ano kaling nagbibitin nak pagkaisot ra

Isla Carabao yaki kung sa hadop bang rako ka

Imaw kali kag San Jose tan-ay tama kita

Aba pagkahuhaba ra kaling ako nahimong tula

Nawili't kalilibor miski kapilay 'ya gi sawa

Hali kita nagsultero ag nagrayaga ag nagtanra

Nak kag ato "Romblon" maganda ag ato palangga

Note:

baliskar ka ngayan it ferrol ag Looc sa original nak mapa, pasensyay

*kag bisaya nak "Ida" sa ako tula ay patungkol

sa "Diyos" kada marakong letra kang inggamit

MALE'Y MABAYLE KITA

MALE'Y MABAYLE KITA
Inspirasyon: Sonny Fabula's
Kag Ako Una Ag Huling Bayle
Ma. Crozalle Reyes Raymundo
a.k.a. Wee-ween Reyes, 01/04/2012

Tagana 7-7-7-7

Asi ra kaling bayle
Sa iba'y pagkabale
Kag kayaki'y nangisli
pay inakitik ka tuyi (nio kali?)

Asi gani leng bayle
Raguso ka kayaki
Agawan sa kabade
Pay tinra sa palengke

Asi ra kaling bayle
Pag tugtog ni Tang Mingue
Pay watusi sa kalye
Nayukso yukso kii

Pag tugtog it "Release Me"
Yagadaw kinang siki
Pay suya nak de sili
Yaswa ka mga kiki

Intro pa it sonata
Imo sinra makita
Naraguso sa tunga
kag bitbit ay maganda

Kaluoy ka rayaga
Bawal magpili baga
Mahangit pa sa ida
Pag lumiong liong pa

Miski pa ngani yango
Miski kaaway nimo
Miski piang pa kato
Miski ya napanglimpyo

Rayaga'y obligado
Tuna sa osang tawo
tanan ya pili kato
Abaylihan ra nimo

Asi gani magbayle
Pay rinaya sa ere
Nayawhaw ka sarili
Pay oning nak umire

Kag bayle pagkabale
Pag ing nobyo ra pirmi
Sa ida yang mabayle
Miski pa kada gab-i

Maado ra magbayle
Pag amigo ra kii
maghayakhaka'y bale
Di kaomer nak siete

Pero pay kasasapot
Kung kamahudothudot
Ay osa yang asungot
Aba ay kauugot

Tong buhi ka ak Tatay
Napauli sa bayay
Pay sida'y inabitay
Pag nagbayle si nanay

Kung gusto ra magbayle
Maraya it kabade
Kaling mga kayaki
Sa baylihan ay pwerte

Pila arang rayaga
Kaling mabibiktima
Kusmuron kinang oda
Sa sunor mabalik ra

Sa baylihan masadya
Pag gusto ka pareha
Sa langit inaraya
Nahabyog sa musika

Kag rayaga'y mapisli
Asing di makapili
Kaling kayaki gani
Indi it mga pasi

Hala bayle sa tanan
Kag hip hop kainaman
Oya kalit huytanan
Miski pa magdamagan

Hala bira hala pa
Agor kita'y magsadya
Miski ya kapareha
Bayle kita sa tunga

Tama sonny fabula
Kinang imo istorya
Ak apalakpakan ka
Kainaman ka tema

Osang simpleng istorya
Marakong rayaraya
Sa rughan it rayaga
Oya nida na oma

PAGKALOOY RA!!!!!!!!!

ETON SA BEST KA

ETON SA BEST KA....ag kag mga bida it asi....
(salamat kay ma'am lettie Fronda Fiedacan 
nak nagsuhestyon ahumanan ra it tula si eton)
Ma. Crozalle Reyes Raymundo
a.k.a. Wee-ween Reyes

Nalimtan ig-omer sa tula si eton
Badaey gi sungon bida ka gihapon
Mga tagahanga ikaw ay hanapon
Kung mapauli ka pagtuan sunsunon

Asi gani kita pay buko masadya
Kung kag agamiton ato pangayan ra
Kasadya si Ito, charlie ag purang pa
Kali si betsokoy, si juan rugang ninra

Aysus si eton pa limot ray ka bida
Mahangit sa ako indi magkasadya
Kung ngayan yang gani't ato kaeskwela
Magbubalintok man indi mapaguya

Kada taga asi taw-i nato baga
Isot nak kasadya sa sunor nak paskwa
kung oya kag ato maadong artista
indi maghayakhak it todo ag osa

Maramong palakpak sa bida it asi
Kita'y pasalamat bag-o magnginisli
Kag muyat it banwa sa inra'y kadiri
Palangga it Diyos ato ra kauri

Da best ka Eton aya gui sungon........

"WONDERWOMAN" IT ODIONGAN

‎"WONDERWOMAN" IT ODIONGAN
(Prinsipal Lettie Festin Magango)
Ma. Crozalle Reyes Raymundo
a.k.a. Wee-ween Reyes, 10/12/2011

Bug-os it Odiongan inggwa it "Wonderwoman"
Si Lettie Magango kag ida pangayan
Sida ay naglibor sa baryo'g muyatan
Kag mga sitwasyon't ida kababayan

Inuna it bulig kaling mga tawo
Ida kasimanwang nabado it bagyo
Naghalin sa bayay ingbadaan kato
Nagyusong sa baha sa inra mapagto

Bulig it panao it baro sa tawo
inggwa it sadinas ag nodols pa kuno
Inggwa rat tinapay ingpanagtag ruto
Pati mga tamong nagtao sa tawo

Madam prinsipal hinayhinay baga
Uyan ay makusog rahan sa disgrasya
Isag ay mapalir ikaw ay rumapa
Mahirap yumusong mataas ka baha

Sigi ra ka puyot it mga basura
Maanor ra kina baling maraya ka
Basa kinang baro nahuom sa baha
Siguradong basa kuno pati kina

Aba'y pagkahugor kali nak maguyang
Indi ra masaway sabat puro "badyang"
Imaw kinat siling pag imo hinarang
Matutom magbulig kung riin ibutang

Tama yang tawagon sidang "Wonderwoman"
Ag sa kalamidad matulin magtuman
Pirdi pa ka bata nak patay-patayan
Matulin magpanaw pay ra di yaguran


Hala ma'am inggwat yubo raha sa rayan.....

KAG PINTOR IT FB

KAG PINTOR IT FB
(Adrian Kelly Formilleza Montojo)
Ma. Crozalle Reyes Raymundo, 
a.k.a. Wee-ween Reyes, 11/5/2011

Kali rang ako puso
pirmi yang yukso-yukso
kung kanunot ay kamo

Pirmi ganing masadya
kamo mag inistorya
kita ay pirmi guya

Kaling pintor it FB
oya it pilipili
sa ida'y oya't pasi

Kag imo pagpalangga
sa puso nagtutuna
tagos sa kaluluwa

ka imo pagkatawo
maado magrespeto
pay nagkitaey kamo

miski ya pa nagkita
ka rughan nakabuka
kinang pagpahalaga

Pay ako'y di mga anak
nak pirmi rang palakpak
pag nanay nagpahadak

Pay ra osang artista
sobra pa kung kaosa
di pintor nak libre ra

kung ka artista gani
piktoryal buko libre
inggat badar pagsirbi

Kaling ako piktoryal
kali'y oya pinansyal
puro yang pagmamahal

Asing indi maila
oras inubos nida
ikaw ay mapaguya

Miski gani ing tungka
sigi ra kag pagtipa
litrato'y inghahanra

agor pagbati't aga
kita ray ay maguya
ag todo hayakhak pa

Salamat it marako
riin ka man nak boho
salamat it maramo

Salamat ra Adrian
sa imo kabootan
pay huyog ka it buyan

Makusog nak palakpak
osang maayong anak
sida'y buko maisnak

Salamat Adrian Kelly Formilleza Montojo

MARAMONG SALAMAT SA TANAN!

MARAMONG SALAMAT SA TANAN!
(Halin sa puso ni Terwina)

(TONG AKO AY ING-ANAK)

Nobyembre sinko yaki'y
taposey ka "birthday"
it ruhang magkabertdey

Ako'y si Wee-ween dili
si "We win" ako kali
ibang ispeling gae

Ka ak nanay nagsabak
ag ako ay ing anak
sinra'y napahayakhak

Ing anak it eleksyon
Nobyembre kung ganapon
oyaey mga Hapon

Ka inra kandidato
Doktor Mayuga kato
nagraog sa kongreso

Sa kasadya't ak tatay
ay "we win" ka okaw ray
ngayan sa ako'y bagay

Nagrako it matulin
"We win" ay naging Wee-ween
"we won" ra ay kayain

(PAG HANGIT SI NANAY)

Ako'y Terwina ruto
si terwina ay ako
inra hingwar sa ako

Tawag it ak ak nanay
pag ako'y nagpasaway
tong oya pa it sayway

Pag ako ay nawagit
o sida ay nagngitngit
di kunit pa sa singit

Hanggang ako'y nagrako
kag amiga'g amigo
kali't tawag sa ako

Imaw ka inra tawag
magruyom ag maghadag
ako ay nakukuyag

Pay ra osang musika
kali sa ak talinga
pag ing tatawag ninra

Miski buko ey hangit
Miski buko ey mangit
Terwina pay sa Langit

(RAYAGA'Y SI TERWINA)

Tong ako ay rayaga
maramo nak amiga
amigo ay inggwa ra

Ing gugur-an't barkada
kag ngayan pay anak ra
Kag Terwina'y ing iba

Terwina'y naging "wines" ey
kag pangayan ilesey
ako ay marakoey

Sinra kali't nagbaydo
oya ako't mahimo
kita'y nagmomoderno

Sinra gani'y naila
kag "Wines" pay Amerkana
kabali sa talinga

Ako ra ay naila
"feeling" ako'y moderna
ngayan ay imported pa

Kag nagpapangutana
abi gani'y klaro ra
ako'y napapaguya

(KAG PANGAYAN SA LANGIT)

Tanang ngayan ay hayo
aosa ka sigurado
para sa Makaako

Maria ay "Maria"
nanay it at D'yos Ama
sa ak ngayan ay una

Crozalle ka masunor
miski ako'y mayuyor
inding gador magsabor

C......Capiz banwa it mga pispis
R......Romblon, ako ay Romblomanon
O......Odiongan,ako ay Odionganon
Z
A
L.....Ka ak tatay si riZAL
L
E......Ka ak nanay si LEtty

Ak ing pagmamarako
ka ak tatay nagragyo
ka pamana'y bang rako

Odiongan ako banwa
Romblon ako probinsya
kali ka ing pamana

Bug-os it kalibutan
aosa ling ak ngayan
si tatay kag naghuman

Salamat sa ak tatay
ak mata'y nagtuyo ray
sa at D'yos nagpangabay

Ako'y simpleng tawo
oya gusto't magulo
gusto'y kanunot kamo

Maramong salamat sa tanang mga KAASI nak nagpasadya
sa ako sa adlaw it ako pagliwas sa kalibutanan...