BAYAN PASAAN KA ?
ang puso ko'y umiiyak
ayaw dugo'y dumanak
gusto ko ay halakhak
kahit buhay ay payak
aanhin iyang husay
sa daldal ay kumisay
baya'y nakahandusay
baya'y di matiwasay
aanhin iyang bait
sa tao'y ipinilit
kahit buwan sinungkit
pangako ay naipit
kailanga'y talino
ang pinunong may ulo
kasamang mahistrado
pag tinigpas nakupo!
Paano na ang bayan
isigaw may lakan d'yan
balik ang nakaraan
sila'y nagkatuluyan
babagsak na ang bayan
si Gloria sa isipan
Gloria'y sa kulungan
si Gloria lang ang alam
unahin mo ang bayan
maraming nagutuman
lahat ay nagtaasan
maraming nahirapan
ang mga nasalanta
sumisigaw ng awa
yakapin mo ang madla
may putik man sa mukha!
No comments:
Post a Comment