SA LIKOD NG MGA NGITI

SA LIKOD NG MGA NGITI

Inspirasyon: Perly Clear

Ma. Crozalle Reyes Raymundo

a.k.a. Wee-ween Reyes, 3/2/2012

Ano ba yang ngiting sa labi'y nakita?

Kilos lang sa mukha langit ang kapara

Pag galing sa irog ay nakakatuwa

Puso'y lumulukso halos matulala

Ano nga ba meron iyang isang ngiti

Itong umiibig laging ngumingiti

Hindi mapigilan lumabas sa labi

Lagi lang masaya parang kiniliti

Umiibig ka ba, ikaw ba'y masaya?

May ngiti sa labi kasama ang mata

Kahit nag-iisa mukhang nakatawa

Isip ay kay saya puso'y kumakanta

Sa likod ng ngiti akala'y pighati

Laging sinasabi ang ngiti ay peke

Baguhin ta kaya't isiping mabuti

Sa likod ng ngiti pag-ibig nahabi

Itong binibini ay kanyang sinabi

Pag ika'y umibig ngiti'y nasa labi

Lagi lang masaya kahit naman hindi

Parang naloloka laging nakangiti

Bakit nga pag-ibig kahit di ipilit

Pakiwari mo nga ika'y nasa langit

Isip lumilipad sa ulap nasabit

Doon mag ulayaw kasama ang pipit

Kaysarap ng buhay nyaring umiibig

Laging nakatawa at laging may kilig

Kahit pa ang ulo ay ipiligpilig

Laging nanaginip isip may kaniig

Ano pa nga kaya't kasama si mahal

At iyong madama yaong pagmamahal

Baka di lang kilig ang iyong makamal

Baka hanggang Langit ika'y mapausal

Ngiti, ngiti, ngiti sinong magsasabi

Ito'y balewala at napakasimple

Dito sa daigdig sobrang importante

Ito'y nagsasabing tao ay mabuti

Iyo lang tandaan may ngiting salbahe

Meron namang ngiting plastik ang kauri

Mayrong iba naman ngiting pumupuri

Ngunit mahalaga ang puso'y ngumiti

Perly Clrear

_hahai sarap ng buhay kapag inlove tlga alwes naka smile kahit walang 
nakakatawa basta maisip molang xa nakangiti kana

Wat if kng magkasama na kau ano kaya feel nun?hehe inlove ako 

^__^inlove din ba kau???

^ad pearl_

Ang tula ay hinabi ayon sa post ni Admin Perly Clrear(LDR)..."may akda"