(Linisin ang sariling uling)
Kailan ang wakas ng buhay na hiram
May magsasabi ba kung ito'y kailan
Tumingin sa langit ating ding tingnan
Hayun ating Diyos at S'ya'y nakatunghay
Mabuhay ng tama at magpakumbaba
Oras ay itutok sa mas mahalaga
Silang makasalanan tayo'y wag humusga
Kamay ni Bathala ang siyang bahala
Ta'y makasalanan, atin ding tanggapin
Ang sariling uling ay ating pahirin
Baka sa pagtulog ay di na magising
Sa ating pagpanaw "Kanyang" susulitin
Bago ta linisin ang dungis ng kapwa
Atin munang tingnan kung tayo'y may muta
terweena 2013 (September morn)
Photo credits to the owner
No comments:
Post a Comment