PAG-ASAM
Sa siwang ng langit ulap ay nanangis
Bitui'y may luha buwan ay naumid
Ang gabi'y may lungkot may dalang hinagpis
Ang kapayapaan nawalay ng saglit
Nang araw sumilay may hatid na ngiti
init ay dumarang sa pisngi ng labi
umaga'y kayganda ligaya'y sakbibi
Yaong bahaghari'y muling nanaghili
Ang ibong kayrikit paglaya'y inasam
bagwis na makulay may sayang kinampay
At sa tinubuan nasa'y babalikan
Piping kaligayahan sa gubat, sa parang
May pag-asang dala sa gitna ng dahop
Dyos ay nakatunghay at di natutulog
TERWEENA 2013 (oct. 7)
Photo credits to the owner
No comments:
Post a Comment