LUPIT NG KALIKASAN
Bakit nagngangalit ngayon ang paligid
Ang patak ng ulan mukhang kaytitinis
Ang tubig sa lupa ayun at giyagis
May gustong mamoong ilog saka batis
Nanago ang pipit tuliro ang isip
Tumitingin dito, tumingin sa gilid
Kaylungkot pagmasdan nangalbo ang bukid
Walang masulingan panaho'y masungit
Ang mga palaka'y natuwa't bumirit
Taliwas sa iba sa tubig ay galit
Mga paru-paro'y biglang tumalilis
Ang mga kulisap hayu't kumandirit
Sa talim ng kidlat kulog ay naumid
Ang duwag na puno sabay namilipit
Nagulat, humapay ang berdeng talahib
Mga paruparo'y humihibikhibik
Sa kislot ng lindol,ang tao'y nayanig
Bagyo at habagat, tsunaming malupit
Saan na susuling dumami ang yagit
Nawalan ng bubong nilupig ng lamig
Ang tao'y pasaway wala ng pag-ibig
Gahaman sa pera sa sala nabulid
Gulo doo't dito, sa ating daigdig
Haya't kalikasan ngayo'y humagupit
Halina, halina sa Dyos ay lumapit
Tumingin sa langit magdasal ng saglit
Ta'y magbagumbuhay biyaya'y makamit
Ugali'y baguhin, iba'y di madawit
Masungit, masungit panaho'y masungit
Di mo akalain ni sa panaginip
Tayo ay magbago langit di magalit
Ikaw, ako, tayo sa Kanya'y kumapit
terweena 2013 (Sept. 28)
Photo credits to the owner
No comments:
Post a Comment