Ang boud ng tula wari'y kaluluwa;
At ang laman nito'y puso ng makata.
Pagkat bawat haplos lalim ng salita;
Hinugot sa dibdib bawat n'yang kataga.
Lamyos nitong saknong tila sumasayaw.
Sa ihip ng hangin ay nakikisabay.
Tulad ng pag-indak ng hanging amihan
Kaylamig sa muni ng sintang alayan.
Bigyan nating sigla bawat nitong linya.
Kapag s'ya'y lumuha ingatang mabura
Nagdaang kahapong sa ati'y may dala
Pait man o tuwa asahang may saya.
Itong angking tula'y ating pagkatao
At naglalarawan sa kung sino tayo.
WeeWeen Reyes 2017
Background: Google
No comments:
Post a Comment