Ang akon banwang pangdarwa

Ang Akon Banwang Pangdarwa (Despujols)

http://weenweenreyes.blogspot.com

Mga kurukutok, bangag, agagangis
ang amon hampangan sa banwa nga dapit
kag ang tandu-tando ga tudlo, may isip
kung akon dumdumon ako hay gangirit.

Hawot nga pamahaw ternong sampurado
may tanum sa likod, may talong may upo
patani't kamatis, okra kag kutapto
kuli ang tindahan, rayo ang merkado.

Akon nga memorya nga ako'y unga pa
udto sa San Andres, Despujols tong una
kami't akon nanay nag-ayan kay Laba
mabakal it lambong birtdey ko inaga.

Kag sa bahol nga trak kami hay nagsakay
singgit sa taranta ang bata kag mal-am
ang hambal it drayber amon trak nataman 
nagkiling sa bangin, gulong sa unahan.

Tanan ginkulbaan, aruy tana bala!
Ang iba nagtangis, lawhakan gid sanda 
ang isa naghambal him-ong ang sa una
ang bangin nga dalom daw ang nakanganga.

Mayad hay nagbulig sandang mga laki
kag gintulak ang trak ang gulong napirmi
kaya akong nerbyus ngipon hay narindi
ang akon bituka halukay nga ube.

Nag-uli sa balay tapos magpamakal
ganda akon baro, kaya ginternuhan
pula nga sapatos ribon nga pula man
ang birtdey nadayon, may pepsi , may suman.

Udto sa San Andres dumdum pa kag sayud
nagtuna it greyd wan nga uwa natapos
balik sa Odiongan, saylo sa kalisud
kag ugto nagtinir kami nga magmanghod.

Ya nga hambal nanda hay owa nalimtan
akon mga hali ga ayan sa balay
kag kaming pamilya among estoryahan
kung gustong manamit gamit hay inunhan.

Sunod sa Odiongan San Andres pangdarwa
ang akon palangga nga isa pang banwa
aba nga kalangkag sa mga kasadya
may katmon, may lumboy, karabaw nga mangga.

Weeween Reyes 2019
Photo credits to the owner

Ang Akon Banwang Pangdarwa (Despujols)

Mga kurukutok, bangag, agagangis

ang amon hampangan sa banwa nga dapit

kag ang tandu-tando ga tudlo, may isip

kung akon dumdumon ako hay gangirit..

Hawot nga pamahaw ternong sampurado

may tanum sa likod, may talong may upo
patani't kamatis, okra kag kutapto
kuli ang tindahan, rayo ang merkado.

Akon nga memorya nga ako'y unga pa
udto sa San Andres, Despujols tong una
kami't akon nanay nag-ayan kay Laba
mabakal it lambong birtdey ko inaga.

Kag sa bahol nga trak kami hay nagsakay
singgit sa taranta ang bata kag mal-am
ang hambal it drayber amon trak nataman
nagkiling sa bangin, gulong sa unahan.

Tanan ginkulbaan, aruy tana bala!
Ang iba nagtangis, lawhakan gid sanda
ang isa naghambal him-ong ang sa una
ang bangin nga dalom daw ang nakanganga.

Mayad hay nagbulig sandang mga laki
kag gintulak ang trak ang gulong napirmi
kaya akong nerbyus ngipon hay narindi
ang akon bituka halukay nga ube.

Nag-uli sa balay tapos magpamakal
ganda akon baro, kaya ginternuhan
pula nga sapatos ribon nga pula man
ang birtdey nadayon, may pepsi , may suman.

Udto sa San Andres dumdum pa kag sayud
nagtuna it greyd wan nga uwa natapos
balik sa Odiongan, saylo sa kalisud
kag ugto nagtinir kami nga magmanghod.

Ya nga hambal nanda hay owa nalimtan
akon mga hali ga ayan sa balay
kag kaming pamilya among estoryahan
kung gustong manamit gamit hay inunhan.

Sunod sa Odiongan San Andres pangdarwa
ang akon palangga nga isa pang banwa
aba nga kalangkag sa mga kasadya
may katmon, may lumboy, karabaw nga mangga.

Weeween Reyes 2019
Photo credits to the owner