www.weenweenreyes.blogspot.com
Gusto kong angkinin ang araw at langit
at ang bahaghari'y maging duyang saglit.
Tayo'y maglalakbay, daa'y panaginip,
at sa alapaap bumuong pag-ibig.
Ialay na kwintas ang mga bituin,
kaygandang palawit ay buwang maningning.
Gintong bulalakaw ang gagawing singsing,
higanteng buntala, pulseras ng giliw.
Tayo'y lalambitin sa guhit tagpuan,
upang abot-tanaw ating Amang mahal.
At baka sakaling taimtim na dasal,
kapagka nahabag, ang anghel lilitaw.
Sana kahit minsan itong bulaylay,
pangarap mang gising maging totohanan.
Weeween Reyes 2017
Larawan: Google
No comments:
Post a Comment