www.weenweenreyes.blogspot.com
Oh, buwang marikit, kaibigang hirang!
Ang samo ko sa 'yo nawa ay pakinggan.
Puso'y tumitibok, di na mapigilan;
Tanging isang dilag itong kasagutan.
Wari ay nabihag ng ngiting kaytamis;
Noong masilayan, nahaling nang labis.
Hindi na maawat, pagkat kinikilig;
Kusang pumipitlag yaring nasa dibdib.
Halina at ako'y samahang dumalaw;
Minsan isang gabing iyong kabilugan.
Habang hinahandog ang wagas kong pakay;
Ang hiram mong sinag, ilaw naming tanglaw.
Nang kanyang mabatid taos kong pagsinta;
Nawa'y matugunan marubdob kong pita!
Weeween Reyes 2017
Larawan: google
No comments:
Post a Comment