SINONG BEST FRIEND MO?

SINONG BEST FRIEND MO?

Ngayon naunawaan ko na. Ang FB parang si best friend. Sumbungan mo ng problema, iniiyakan kapag ikaw'y sawimpalad, kinikwentuhan kapag ikaw'y galit, malungkot, natalo, nawalan, nabigo o iniwanan. S'ya rin ang pinakauna mong babalitaan kapag ikaw'y sobrang saya. Kapag nakakuha ng karangalan ang yong anak, napromote ka sa trabaho, napadalhan ka ng nanay mo sa abroad, o naregaluhan ka ng kaibigan. Una mo ring babalitaan kapag may bago kang boyfriend, kapag may bago kang bahay, kotse at iba pa. May selfie o kaya kumpleto picture pa.Kahit nga ang mga bagay na dapat ay sekretro nailalabas mo na rin sa kanya gaya ng kung minsan galit ka sa yong asawa, sa yong kaanak, sa yong kaibigan o katrabaho. Tiyak ang dami mong hugot lines.

Ang FB walang mayaman, walang mahirap, walang putot, walang matangkad, walang maputi, walang maitim, walang maganda walang pangit. Tutulungan ka ni FB kung gusto mong tumangkad, pumuti, gumanda, magmukhang bata at flawless, magmukhang mayaman. In short walang problema kung ano ang iyong nais maging.. Bawat isa'y may karapatang magpahayag at magpost kung ano ang gusto nyang sabihin o ipakita. Huwag ka lang lumabag sa batas para di ka makulong. Social media, para sa lahat, maartista, mapulitiko, ordinaryong tao, milyunayo or what not there.

Matanda, bata, may ngipin o wala basta may pambili ka ng load at cell phone pwede ka dito. Di gaya nung araw na kailangan mong may computer, may laptop o note book bago ka makapag FB. Napakadali nang gumawa ng account sa ngayon para makapag participate ka sa Socila media. Pwede ka ring mag-iba iba ng pangalan kung ayaw mong magpakilala. Ngalan ng artista, ng presidente, ng national hero, ng gulay ng barko, ng simbahan, walang nagrereklamo. Pati profile picture mo pwedeng picture ng kung sino-sino at ano ano ang ginagamit mo ok pa rin wag mo lang angkinin o ipahayag mo lang lagi na ang ginamit mong larawan ay di mo pag-aari, (ctto) credit to the owner. Ganyan tayo sa Face Book, ok lang ang mga trip, trip natin.

Masaya. Parang araw-araw, kahit anong oras sumilip ka lang meron ka ng ka istorya. Hindi ka na lalabas para mangapitbahay at mang isturbo sa kanila. Hindi mo na kailangang maligo't magbihis para lumabas at kausapin ang gusto mong kausapin. At hindi lang kapit-bahay. Mga tao sa buong mundo araw-araw mong nakakahalubilo't nababalitaan kung ano ang nagyayari sa isa't isa at sa isang daigdigan. High tech, yes, ganyan na tayo ka high tech. Kahit sa loob ng bahay di mo na kailangang sumigaw upang tawagin ang mga anak mo't asawa o kahit kasambahay kung may kailangan o kakain na. Gawa ka lang ng group page nyong mag-anak ...presto walang ingay ang bunganga ng mga nanay. Pati sermon sa mga kapamilya ang kawawang si FB ang sumasalong lahat upang ipaabot sa kausap ang gustong sabihin.

Ngunit sana sa lahat ng ito, unahin nating magsumbong kay Lord at magpasalamat sa mga biyayang ating natatanggap. Unahin nating humingi ng kalinga at awa kay Lord bago natin kwentuhan si BF. Paggising natin, bago kapain ang cell phone na nakatulugang dutdutin, magkurus muna tau at umusal ng kaunti at magpasalamat sa patuloy na paghinga at sa magandang hatid ng umaga.

Pakatandaan lang, Wag matulog na may pasak na earphone sa taynga at tanggalin ang charger kung hindi na ito ginagamit..