DOON SA LANGIT
Halina mahal ko, kaytagal hinintay
Ang sandaling wala ay nakapapanghal
Ang makapiling ka'y aking panambitan
Ang pag-iirugang minsan ay nawalay.
Oh! Anong hinayang kung aking wariin
Sigaw ay paggibik, aking paninimdim
Sinisinta kita, ikaw't ikaw giliw
Nang ako'y magyao'y wala sa yong piling.
Upang panagpuin ng mga panaghoy
Hanggang mawakasan ang mga linggatong
Marahil ang lungkot ay muling hihilom
Dakilang tahanan tungo nati'y doon.
Habang mga anghel ay nangagsiawit
Sakbibi ang tuwang ako'y nananabik.
Weeween 2018
No comments:
Post a Comment