Nang Dahil sa Pag-ibig

Nang Dahil sa Ulan

Kay lakas ng bagsak ng ulang magilas
Sing-ingay ng tuwa ng palakang kokak
Aba't ginaya pa ang kulit ng kidlat
Kaya't itong kulog tuloy nagpasikat.

At "Aba Ginoong Maria" ang sambit
Agad nag-antanda kahit naiinis
Bakit di matuwa sa naghihinagpis
Mga magsasakà agad nagsiawit.

Habang ang makata diwa ay lumakbay
Upang bawat patak ay bigyan ng saysay
Sa bawat tag-ulan may pinag-ugatang
Lumang alaala ng pagmamahalan.

Sana ay anurin pait at hinagpis
Upang ang matira ay puno ng tamis.

Weeween Reyes 2019
Larawan: Google